هى فعلا حالة
حالة عشق
هات حاجاتى هات
عايزة أمشى من سكات
هات عمرى معاك إللى فات
هات حبى والذكريات
هات المودة هات الحنان
هات قلبى أللى شاب قبل الأوان
هات ليل سهرته. أستناك
هات فكرى وحيرتى عشان رضاك
هات بسمتى إللى فى لقاك
هات دمعتى إللى فى هواك
هااااااااااااااات
هات حاجة للذكرى الله يخليك
أقدر أعيش بيها بكرة
هات صورة ليك
وألا اقولك هتفيد بأيه الصورة
وملامحك جوه القلب محفورة
يا طير طاير انا العصفورة
إللى متعلقة فى جناحك
وانا إللى عايشة دايما فخورة
…….بنجاحك
انا حبيبتك انا امك انا أختك انا بنتك
إللى كتير صغيورة
ووقت الشدة اكون أنا سلاحك
لكن يا عمرى صدقنى لو لسة فيا قدرة
على الحِمل لأتحملت
كتير ياما أنا صابرة
ولو قادرة ل كملت
حبيبى
قبل ما أمشى
عملت كل حاجة بتحبها
وقبل ما تخلص هبعتلك تانى زيها
بس علشان خاطرى أنا….. كُل
وهدومك يا غالى … كلها
مكوية زى الفُل
وقبل ما تنام
على الورد إللى زرعينه سوا .. طُل
وخلى بنا كلام
أونسك بيه لما تغفل… عيونك
وقبل السلام لازم أقولك
أنا ولا حاجة من دونك
ربى يعينى على بُعدك .
ربى يحفظك ويصونك
حبيبي
بين وقت والتانى
أبقى طمنى عليك
عارفاك بتكره تبقى وحدانى
والحيرة مش مفارقة عنيك
ودية أكتر حاجة وجعانى
وحاسة أوى بيك
حبيبى.
خلى بالك من نفسك وحياة حبى
لو ليّا فى قلبك حب
صعب كتير عل قلبى
يعيش يا حبيبى من غير قلب
قال
بس كفاية.شوية شوية عليا
يا سقيانى الحب.. والحنية
يا شيلانى فى حضنك وأنا فارد…. إيديا
يا عشقانى. يا معلمانى العشق.. والملاغية
وانا من جحودى . واقف على… عودى
أردلك بأسية
دخيل ربك أوام …..عودى
ل يميل فى بُعدك …..عودى
ويموت القلب وتروح كده ….عنيا .
انا يمكن قصرت فى حقك
والدنيا لهيانى
إو إهمال …بس وحياة حبك
ما فى قلبى غيرك… تانى
ولا أقدر على بُعدك
ولا عمرى كنت…… أنانى
ولا فيه قبلك ولا بعدك
وهموت وقلبى بيعانى
قالت
سلامة قلبك على عنيك
يا فرحة عمرى انا ليك
هكمل معاك مشوارى
بقلبى….بقلبى أنا أفديك
ولا شوكة تيجى فيك
ده حضنك عشتى ودارى
بحببببببببببببببببببببببك
وائل البطراوي————-‐————
